Në Nepal, pas tragjedisë, edhe nga frika e epidemive por edhe nga besimet fetare, digjen trupat e viktimave të tërmetit. Në Nepal, në buzë të lumenjve vihet re tymi i krematorëve.
Rrugët janë ende të mbushura me kufoma, ndërkohë që shumë kufoma mendohet të jenë nën rrënoja. Vendi është i shqetësuar për shkak të rrezikut të epidemisë.
Numri i viktimave të tërmetit 7.8 ballë që goditi Nepalin ditën e shtunë, është mbi 5 mijë vetë ndërkohë që ka 10 mijë të plagosur. Në këtë vend u shpall 3 ditë zi kombëtare. Ndërkohë që lajmet që vijnë nga zonat rurale, flasin për një numër të lartë viktimash, në vend përjetohet një dramë e vërtetë. Kombet e Bashkuara deklaruan se në vendin me 28 milion banorë, 8 milion kanë mbetur të ndikuar nga tragjedia e tërmetit. 1 milion e 400 mijë persona kanë nevojë për ndihma humanitare. Në Nepal përjetohet mungesë uji, ushqimi dhe strehimi.
Ndërsa alpinistët që mbetën të bllokuar në malin Everest pas ortekut të dëborës janë transportuar me helikopter në një zonë të sigurt. Ndërsa në veri të Kryeqytetit Katmandu, në rajonin Rasuëa 250 persona kanë humbur për shkak të ortekut. Specialistët bënë të ditur se pas tërmetit të madh janë ndjerë mbi 100 tërmete pasuese.
