Trupat tanë janë një grumbull kompleks i cikleve të shumta biologjike dhe sistemesh të cilat shpesh mund të jetë e vështirë t’i kuptojmë plotësisht. Një grup mekanizmash mbrojtjes në trup përbën një sistem të tillë. Ata na mbrojnë çdo çast të ekzistencës nga një numër i tërë i gjërave që potencialisht mund të na dëmtojnë. Më poshtë janë renditur nëntë veprime interesante të cilat ndodhin në trupi juaj, e të cilat mund të mos e keni ditur se janë mekanizma mbrojtës.
Hapja e gojës
Qëllimi kryesor i hapjes së gojës është të qetësojë trurin, pasi ajo të jetë tejnxehur ose mbingarkuar.
Teshitja
Zakonisht, ne teshtijmë kur kanalet e hundës janë mbushur me shumë alergjene, mikrobe, pluhur, ose irritues të tjerë. Teshtitja është mënyrë e trupit për largimin e këtyra “plehërave”.
Shtriqja
Ne instinktivisht shtriqemi për të përgatitur trupat tanë për ngarkesat fizike që ne presin gjatë ditës. Në të njëjtën kohë, shtriqja vë në punë muskujt, rregullon rrjedhjen e gjakut dhe përmirëson disponimin tonë.
Lemza
Kur ne hamë shumë shpejt, gëlltisim pjesë të mëdha të ushqimit ose thjesht hamë tepër, ka mundësi që nervi ynë pneumogastrik të irritohet. Kjo është e lidhur ngushtë me stomakun tonë dhe diafragmën. Rezultati është një aktivizimi i lemzës.
Dridhjet mioklonike
Kjo i referohet asaj ndjenje të çuditshme, kur posa të zë gjumi, të kaplon një shkundje brenda sekondës e trupit nga ajo që duket si një goditje elektrike. Në këtë moment, të gjithë muskujt tuaj kaplohen nga një spazmë, aq e fuqishme sa që pothuajse biei nga shtrati dhe ju zgjoheni përnjëherë. Ky fenomen është rezultat i faktit se kur fillon të ju zë gjumi, frekuenca e frymëmarrjes tuaj bie shpejt, ndërsa pulsi juaj ngadalësohet dhe muskujt tuaj janë të relaksuar. Çuditërisht, truri juaj interpreton këto zhvillime si lajmërim të vdekjes. Pra, ai përpiqet t’ju ruajë juve duke ju dhënë një shkundje të gjithë trupit.
Rrudhja e lëkurës
Rrudhat që shfaqen në lëkurën e duarve tuaja luajnë një rol të rëndësishëm. Ky fenomen është shkaktuar nga fakti se kur trupi juaj ndeshet me një sasi të rritur të lagështisë ajo e kupton se ambienti mund të jetë i rrëshqitshëm. Kështu lëkura në duart tuaja menjëherë fillon të ndryshojë në atë mënyrë që do ta bëjë më të lehtë për të kapur sipërfaqet e lëmuara.
Humbja e kujtesës
Humbja e kujtesës shpesh ndodh pas ndodhjes së përvojave më të pakëndshme. Truri ynë në kuptimin e plotë të fjalës fshin momentet më të tmerrshme nga kujtimet tona.
Rrënqethja e trupit
Funksioni kryesor i rrënqethjes së trupit është të reduktojë sasinë e nxehtësisë të cilën organet tona e humbin përmes poreve të lëkurës sonë, e cila na mundëson të ngrohemi më lehtë në kushte jo të mira klimatike.
Lotët
Përveç se vepron si mbrojtje për mukozën e syrit tonë, kur objekte të huaja të vijnë në kontakt me të, lotët shërbejnë si një instrument i “mbrojtjes emocionale”. Shkencëtarët besojnë se në situata të vështira, trupi krijon një burim të ri të fuqishëm të irritimit, në mënyrë që të shkëpusë personin nga dhimbja që është duke përjetuar. Këto janë vetëm disa nga arsyet pse të ne, gjithë duhet të jemi shumë mirënjohës për trupat tonë, që punojnë për të na mbrojtur çdo ditë nga dëmtues të ndryshëm. /tesheshi.com/
