Presidenti i Kolumbisë, Juan Manuel Santos, dhe udhëheqësi i FARC-ut, Timochenko, kanë shtrënguar duart për herë të parë të hënën, duke nënshkruar marrëveshjen e paqes që shënon fundin e luftës së përgjakshme 52-vjeçare.
Katër vitet e negociatave në Havana të Kubës janë kurorëzuar me një ceremoni në qytetin e Kartagjenës, në praninë e 2.500 autoriteteve të huaja dhe vendase.
Mes të ftuarve ishin sekretari i përgjithshëm i OKB-së, Ban Ki-Moon, sekretari amerikan i Shtetit, John Kerry, e presidenti kubanez, Raul Castro.
Marrëveshja i jep fund konfliktit më të gjatë në Amerikën Latine, të filluar si një revoltë nga FARC-u. Luftëtarët e FARC-ut duhet të dorëzojnë armët brenda 180 ditëve, me lëvizjen që kthehet në një parti politike.
Marrëveshja e paqes do të kërkojë dhe miratimin e popullatës në një referendum që do të zhvillohet më 2 tetor. Një referendum që nuk pritet të sjellë probleme, pasi anketimet tregojnë se do të votohet masivisht pro marrëveshjes. /tesheshi.com/
