Tekniku spanjoll veçse është zyrtarizuar trajner i ri i skuadrës nga Manchesteri, ka filluar të mendojë menjëherë të përforcojë organikën e tij. Siç njofton prestigjiozja “Daily Mail”, Paul Pogba dhe John Stones, priten të jenë objektivet e para të Pep, që synon t’i sjellë në Etihad Stadium.
Sipas informacioneve që vijnë nga ishulli, Pep ka dhënë konfirmimin për nisjen e bisedimeve me mesfushorin francez Paul Pogba, që “qytetarëve” pritet t’i kushtojë 105 milionë euro dhe mbrojtësin e ri anglez, John Stones, që do të kushtojë 65 milionë euro.
Strategjia e ardhjes së futbollistëve pritet të ndryshojë me ardhjen e Guardiola-s në krye të stolit të citizens, ku paratë nuk do të jenë më objektiv kryesor i futbollistëve.
Spanjolli pritet të zbarkojë në Etihad me stafin e tij teknik: Manuel Estiarte, Domenec Torrent, Lorenzo Buenaventura dhe Carles Planchart. /tesheshi.com/
