Grupi parlamentar socialist do të mblidhet para seancës plenare ku pritet të votohen kryetarët e komisioneve të Kuvendit dhe përbërja e tyre.
Sikundër mësohet në mbledhjen e deputetëve socialist do të diskutohet pikërisht për emrat e drejtuesve të komisioneve dhe shpërndarjen e ligjvënësve socialistë në to.
Pritet që disa nga ish-ministrat të marrin drejtimin e komsioneve, referuar edhe eksperiencës së tyre në fushat respektive.
Një tjetër pikë është zgjedhja e kandidaturës për postin e nënkryetarit të Kuvendit, duke plotësuar në këtë mënyrë ekipin drejtues të parlamentit.
Pas zgjedhjes së Gramoz Ruçit në postin e kryeparlamentarit, Kuvendi duhet të zgjedhë edhe nënkryetarët. PD ka propozuar Edi Palokën si njërin prej nënkryetarëve, që i përket opozitës, ndërkohë që pritet edhe emri që do të propozojnë socialistët.
Seanca në Kuvend do të mbahet në orën 11:00, pas vendimit me konsensus të drejtuesve të grupeve parlamentare PS, PD, LSI dhe kryetarit të Kuvendit, Gramoz Ruçi. /tesheshi.com/
