Muaj pas Kosova nënshkroi marrëveshjen me Serbinë për rihpjen e trafikut ajror, ndërprerë që nga lufta, e ka bërë këtë gjë dhe me Shqipërinë.
Sipas autoriteteve të Prishtinës, marrëveshje që u arrit ndërmjet Agjencisë së Shërbimeve të Navigacionit Ajror (ASHNA) dhe Albcontrol, hap një përspektivë shumë të madhe.
“Benefitet e funksionalizmit të këtij korridori janë të mëdha për pasagjerët, njëkohësisht edhe për aviokompanitë që do të kenë një kosto më të ulët në operimet vajtje ardhje, ku fluturimet nga Prishtina do të shkurtohen për 15 minuta”, tha Drejtori i ASHNA-së, Bahri Nuredini, sipas të cilit meritor për këtë është NATO.
“Sigurisht NATO dhe KFOR-i kanë qenë shtytësit kryesor për t’u arrit kjo marrëveshje për normalizimin e hapësirës së ulët ajror me shtetet në rajon, në këtë rast edhe me Shqipërinë”, veçoi ai.
Nga ana tjetër, Dritan Gjonbalaj kryetar i Bordit të Autoritetit të Aviacionit Civil të Shqipërisë tha se ky është një zhvillim mjaft pozitiv.
“Aviacioni civil është goditur rëndë nga pandemia Covid-19, por kjo ngjarje e organizuar sot dëshmon që ne jemi më të fortë se sfidat”, theksoi ai. /tesheshi.com/
