Saba është një refugjate siriane në kampin e Zaatarit në Jordani. Ajo bashkë me katër motrat e tjera dhe nënën e saj, Izdiharin janë dy aktiviste në kampit, të cilat bëjnë një punë vullnetare të çmuar.
Saba këshillon bashkëmoshataret që janë të martuara ta shtyjnë vendimin për të pasur fëmijë derisa trupi i tyre të jetë i gatshëm të mirëpres një shtatëzani. Ndërkohë, i këshillon ato të pamartuarat që të mendojnë për mësimet dhe shkollën në mënyrë që të diplomohen.
Ajo u flet bashkëmoshatareve të saj në lidhje me dëmet e martesës në moshë të vogël, si për shembull: mosdiplomimi dhe si rrjedhojë mungesa e të ardhurave dhe mospërballimi i shpenzimeve për fëmijën, sidomos në rast divorci apo fatkeqsie të bashkëshortit.
Martesa në moshë të hershme ka qenë praktikë në zonat e thella periferike të Sirisë, por në kamp është shtuar më shumë: nga 18% në vitin 2012 në 35% në vitin 2015.
Kjo lloj martese është një formë cënimi i të drejtave të njëriut, ndaj dhe nënë e bijë po mundohen ta luftojnë këtë fenomen në bashkëpunim me shoqatën UNFPA dhe Institute of Family Health të Jordanisë. /tesheshi.com/
