Është ende vetëm 5 vjeç por i ka kërkuar të ëmës që të vdesë ditën e ditëlindjes së tij. Kjo është historia e tmerrshme dhe kërkesa therëse e vogëlushit Morgan Bishop, i cili është i prekur nga një formë e rëndë e një ekzeme, e cila nuk e lejon që të jetojë një jetë normale.
Fëmija ka një dhimbje konstante, si pasojë e së cilës nuk mund të flejë, të vrapojë apo të luajë. Është një kalvar dhimbjesh i cili ka nisur që kur ishte 4 muajsh dhe deri më tani nuk ka përfunduar. Dhe për fatin e tij të keq, nuk ka asnjë kurë e cila mund ta ndihmojnë, edhe pse ka provuar një formë të veçantë kimioterapie, por pas asnjë rezultat.
Siç raporton Daily Mail, kushtet e lëkurës së fëmijës janë me të vërtetë të rënda. Në të ka shenja që duket sikur janë djegur me acid, çka i ka shkaktuar dhimbje dhe pamundësi për të ecur vetëm, aq sa duhet të përdorë një karrige me rrota për të lëvizur.
Nëna e tij, Dana, është detyruar të lejë punën për t’u kujdesur për të. Morgan vuan edhe nga astma dhe ka sindromën nefrosike, çka do të thotë se humbet sasi të mëdha proteinash nga veshkat.
Si të mos mjaftonte, ai është alergjik nga mbi 20 ushqime, mes së cilave vezët, arrat, qumështi, patatet, soja, orizi etj. Siç tregon Dana, mjekimet që ai duhet të konsumojë për të luftuar problemet në veshka, i përkeqësojnë ekzemën.
“Pikërisht në ditën e ditëlindjes së tij të pestë më pyeti nëse mund të vdiste. Nuk mund të duronte dot më dhimbjet e ekzemës. Ishte diçka me të vërtetë e pazakontë dhe që më theu zemrën, kjo kërkesë. Njerëzit nuk arrijnë të kuptojnë se çfarë do të thotë të kesh një sëmundje në lëkurë, nuk e shikojnë si një gjendje të pashpresë dhe dëshpëruese. Dëgjojnë për fjalën ‘ekzemë’ dhe mendojnë se bëhet fjalë për një copë lëkurë të thatë, por realiteti është shumë më i keq se sa kaq”,- ka thënë Dana, e cila ka vendosur të krijojë një fondacion për të ndihmuar ata që janë të prekur nga kjo sëmundje e tmerrshme./tesheshi.com/
