Kandidati për kryeministër të Kosovës nga koalicioni i partive serbe “Liria”, Nenad Rashiq, u është drejtuar elektoratit të tij në gjuhën shqipe, me ç’rast u ka kërkuar atyre votën për zgjedhjet e 6 tetorit. Në një paraqitje pranë Biblotekës Kombëtare, ai nisi fushatën mediale duke thënë “ju lus nga zemra, ta heqim qafe Listën Srpska.”
Rashiq ka thënë se me votën për koalicionin “Liria”, qytetarët e Kosovës do të ndihmonin në “heqjen e një monstrumi politik siç është Lista Serbe”, për të cilën ai deklaroi para disa ditësh se dirigjohen nga Beogradi.
“Ju ftoj ta votoni numrin 120, sepse me votën tuaj sepse së bashku me ju do ta heqim ndikimin negativ të këtij monstrumi politik të quajtur Lista Serbe”, ka thënë Rashiq, në një video-mesazh të cilin e ka publikuar në Facebook.
Kujtojmë se për dallim nga oponentët e tij politik, Rashiq ka deklaruar se ai dhe mbështetësit e tij e pranojnë realitetin dhe do të jetojnë krahas ligjeve të shtetit. Rashiq megjithatë mendoj se taksa ndaj Serbisë mund të hiqet përmes vullnetit të dyfishtë, duke aluduar se të dy palët kanë arsyet e veta. /tesheshi.com/
