Edhe Presidenti Meta është në pritje të një bilanci përfundimtar të pasojave të tërmetit, e kjo orë pasi kryeministri Rama tha se kjo është e pamundur tani për tani, e duhet ende kohë për ta bërë këtë së bashku me nxjerrjen e një fature. Ata ishin sëish “krah për krah” per homazhe te “Nëna Shqipëri”, në kuadër të 75-vjetorit të çlirimit.
Në një prononcim për mediat, Meta u shpreh: Besoj se ju i keni ndjekur edhe statistikat zyrtare. Shpresojmë që sot të përfundojnë totalisht operacionet për kërkim-shpëtimin e qytetarëve që mund të kenë mbetur ende nën rrënoja. Shpresojmë se është çështje orësh që të kemi një bilanc përfundimtar zyrtar, ndërkohë që përveç nderimit të viktimave shumë sfida të tjera na presin përpara, të cilat janë të mëdha dhe do të jenë edhe pak afatgjata”.
Duke dhënë garanci kryeministrore, presidenti Meta foli për akomodimin e atyre që kanë mbetur pa strehë. “Do të bëhet çdo gjë për të arritur një akomodim sa më të shpejtë, të përshtatshëm dhe afatshkurtër për të gjithë dhe më pas për të gjetur një zgjidhje afatgjatë për integrimin e tyre të plotë në jetë normale ashtu si më parë”. /tesheshi.com/
