Roberta Metsola është njeriu që do të zëvëndësojë David Sassoli-n në postin e presidentit të Parlamentit Evropian, ndarë nga jeta pak ditë më parë. Ajo u zgjodh me një shumicë abolute prej 458 votash.
Metsola, një anëtare e grupit të krahut të djathtë të EPP nga Malta, ishte midis katër kandidatëve për këtë pozicion, së bashku me Sira Rego të Spanjës, Kosma Zlotowski e Polonisë dhe Alice Bah Kuhnke e Suedisë.
Kjo e fundit ishte pretendentja më e afërt, duke fituar 101 vota, ndërsa Sira Rego fitoi vetëm 58 vota.
Metsola është pjesë e krahut të moderuar të PPE dhe vitet e fundit ka spikatur mbi të gjitha për punën ndërmjetësuese me grupet e qendrës së djathtë dhe qendrës së majtë.
Metsola është e martuar me politikanin dhe menaxherin finlandez Ukko Metsola, nga i cili mori edhe mbiemrin. Ata kanë katër fëmijë.
43-vjeçarja hyri në Parlament në vitin 2013 dhe ishte një nga eurodeputetet e para të zgjedhura në Maltë.
Para kësaj, ajo ishte një eksperte për të drejtën evropiane dhe nga viti 2012 deri në 2013 ka punuar si këshilltare e Përfaqësueses së Lartë për Çështjet Evropiane, Catherinë Ashton. /tesheshi.com/
