Nëna e ndëshkon, ideja gjeniale e vajzës 6-vjeçare për të shpëtuar

Isabella është 6 vjeçe dhe shkon në shkollë çdo ditë, sikurse dhe shoqet e saj, madje i ndodh të bëjë ndonjë gabim, si në këtë rast, ku e ëma, Victoria Collier vendosi ta ndëshkojë. Mamaja e detyroi të shkruajë në një faqe fletoreje fjalinë “I will make better choices” (Do të bëj zgjedhje më të mira). Për të mbaruar detyrën në kohë rekord, Isabella zgjodhi një sistem shkurtimi.

Vajza zgjati “këmbët” e shkronjave të fjalëve që formonin fjalinë deri në fund të fletës, në mënyrë që të shtonte vetëm pjesët e ngelura, për të formuar gjithë fjalët e tjera. Një ide gjeniale, apo jo?

Njëra prej shoqeve të nënës së Isabellës, Noe Arellano, postoi fotografinë në Reddit dhe në Imgur. Pamjet u panë nga një numër i madh personash. Historia e vajzës së vogël u raportua nga “Huffington Post” dhe më pas u pasqyruar dhe në shumë portale të tjera online.

Victoria e komenton në këtë mënyrë suksesin e papritur të ndëshkimit të saj: “Efiçenca është një cilësi që e admiroj. Shtëpia jonë nuk është kurrë e mërzitshme. Mund ta quaj veten si një nënë me fat. Ime bijë është shpirt i lirë dhe nuk mërzitem kurrë në shtëpi. Jam me shumë fat./tesheshi.com/