Nëna e ushtarit musliman-amerikan i cili është vrarë në Irak, ka fshikulluar Donald Trump-in duke thënë se ai është një injorant sa i përket Islamit dhe kuptimit të fjalës sakrificë, pasi ai ka vënë në pyetje heshtjen e saj gjatë fjalimit të bashkëshortit në Konventën Kombëtare të Demokratëve.
Ghazala Khan, e ëma e kapitenit të ushtrisë amerikane Humayun Khan, i cili është vrarë në vitin 2004, ka reaguar ndaj deklaratës së Trump-it se asaj, si një grua muslimane, nuk i është lejuar të flasë.
“Donald Trump ka thënë se ndoshta nuk më është lejuar të flas asgjë. Kjo nuk është e vërtetë”, ka shkruar ajo për Ëashington Post, duke shtuar se arsyeja pse ajo kishte vendosur të mos flasë është për shkak të dhimbjes së saj për vdekjen e birit në vitin 2004.
“Kur Donald Trump flet për Islamin, ai është injorant fare”, shkruan ajo, dhe vazhdon: “Donald Trump thotë se ka bërë sakrificë. Ai nuk e ka idenë se çfarë do të thotë fjala sakrificë”.
Të enjten, babai i Humayun akuzoi Trump-in për shpifje ndaj muslimanëve amerikane patriotë, duke thënë se ai vetë nuk ka sakrifikuar asgjë për këtë vend, qortim ky që ka elektrizuar masën prezente në Koventën Kombëtare të Demokratëve. /tesheshi.com/
