Vitin e shkuar ajo u diagnostikua me tumor të pashërueshëm. E ndodhur në këtë situatë, Elizabeth Diamond, e cila është një nënë beqare, ishte mjaft e shqetësuar për katër vajzat e saj. Çfarë do të bëhej me to, pasi ajo të largohet nga kjo botë?
Vetëm pak kohë më parë Elizabeth ndërroi jetë, por vajzat e saj nuk ngelën rrugëve. Ato gjetën një shtëpi të re dhe të ngrohtë që i mirëpriti. Bëhet fjalë për banesën e Laura Ruffino, në Orchard Park të New Yorkut. Laura është mikesha më e mirë e nënës së tyre dhe pas vdekjes së Elizabeth, ajo i adoptoi të katërta vajzat.
Laura tregoi në televizionin WKBW-Tv se i bëri një prentim Elizabeth: “Kur ishte ende gjallë, më kërkoi nëse do të isha e gatshme të mbaja përgjegjësi dhe të kujdesesha për të bijat, nëse asaj i ndodhte më e keqja. Dhe unë iu përgjigja menjëherë se po”.
Pas vdekjes së Elizabeth, Laura e mbajti premtimin dhe kështu katër vajzat e Elizabet nga 5 deri në 12 vjeç, kanë një familje të re dhe dy motra të tjera, të cilat janë bijat e Laurës dhe Rico, bashkëshortit të saj.
“Nuk e kam menduar kurrë se jeta ime një ditë do të ishte e tillë. Mirëpo, nëse të bie diçka për të mbajtur, duhet ta pranosh fatin tënd dhe të japësh më të mirën”,- thotë Laura.
Shpenzimet e tyre janë rritur, shtëpia është e vogël, por për fat të mirë, Ruffino kanë gjetur shumë miq të gatshëm për ti ndihmuar. Në muajin gusht do të realizohet një event i vërtetë bamirësie në Qest Seneca në New York, me qëllimin e mbledhjes së fondeve për familjen. Është një fushatë sensibilizuese e nisur edhe në internet. /tesheshi.com/
