Sapo ka përfunduar raundi i dytë i negociatave midis Ukrainës dhe Rusisë, ku mes palëve është rënë dakort që ato të vijojnë sërish. Por më shumë se kaq, do ketë një armëpushim në funksion të korridoreve humanitare.
“Ukraina dhe Rusia kanë rënë dakord të ofrojnë korridore humanitare për evakuimin e qytetarëve, dërgimin e ushqimit dhe ilaçeve,” tha Mikhail Podoljak, një këshilltar i shefit të shtabit Volodymyr Zelensky.
Ai tha gjithashtu se Kievi nuk ka arritur rezultate gjatë negociatave në të cilat mbështetej pala ukrainase.
Ai shtoi se Ukraina dhe Rusia diskutuan një armëpushim gjatë evakuimit të qytetarëve në ato zona ku do të bëhet evakuimi.
Ndërsa për raundin e tretë të negociatave është rënë dakort në parim, pa u përcaktuar se ku dhe kur. /tesheshi.com/
