“Fallujah është liruar plotësisht nga Shteti Islam, pas një operacioni disa javor”, ka thënë sot komandanti i forcave antiterroriste të ushtrisë irakiane Abdul Wahab al-Saadi.
Ai deklaroi për AP se forcat irakiane janë futur në pjesën veriore-perëndimore të Fallujah-s, e cila deri më tani ka qenë e njohur si vatra e fundit e ISIS-it në këtë qytet.
“Operacioni, i cili ka filluar në fund të muajit maj, konsiderohet i përfunduar dhe qyteti tashmë është i liruar”, ka shtuar Sadi.
Ai shprehet se trupat do të fillojnë të punojnë në largimin e bombave nga rrugët dhe ndërtesat e qytetit.
Fallujah, qytet i cili ndodhet 65 kilometra nga Baghdadi, ka qenë nën kontrollin e Shteti Islamik nga janari i vitit 2014. /tesheshi.com/
