Siç për 8 vite rresht, kryeministri Rama e kreu ritualin e tij të nderimit të katër të vrarëve në protestën e 21 Janarit.
Me në krah familjarë të viktimave, shefi i qeverisë vendosi lule te vendi i tragjedisë, pak metra larg godinës qeveritare, ku tani është i pari saj, ndryshe nga 8 vjet më parë kur udhëhiqte opozitën.
Rama erdhi në pushtet dhe me flamurin e drejtësisë për 21 Janarin, por deri më sot nuk është ai rezultat që pritej.
Kryeministri është mbrojtur me tezën se drejtësia do të vihet pas reformimit të saj, pasi nuk është ai që dënon njerëz. Megjithatë, kjo nuk e ka shpëtuar nga paragjykimi se në kushte pushteti nuk ka bërë sa mundet për të ndëshkuar përgjegjësit e 21 Janarit. Kur thuhet kjo, aludohet për ish-kryeministrin Berisha, të dyshuarin nga gjykimi publik si urdhërues i vrasjeve. /tesheshi.com/
