Ministri i Jashtëm në detyrë Gent Cakaj, njoftoi dëbimin e dy diplomatëve iranianë, një zhvillimqë ndodh nën një atmosferë të rënduar edhe pak globale, pas vrasjes nga amerikanët të gjeneral Qassem Soleimani.
“Ministria për Evropën dhe Punët e Jashtme ka vendosur sot, që përfaqësuesit diplomatikë të Ambasadës së Republikës Islamike të Iranit në Shqipëri, z.Mohammad Ali Arz Peimanemati dhe z.Seyed Ahmad Hosseini Alast, të shpallen persona të padëshirueshëm, për shkak të zhvillimit të veprimtarisë në mospërputhje me statusin e tyre dhe parimet e Konventës së Vjenës për Marrëdhëniet Diplomatike. Dy përfaqësuesëve të Republikës Islamike të Iranit ju është kërkuar largimi i menjëhershëm nga territori i Republikës së Shqipërisë”, bën të Cakaj.
Më herët, qeveria shqiptare largoi dhe vetë ambasadorin iranian.
Siç dihet, Shqipëria ka një pozicion delikat në raportet me Iranin, pasi ka pranuar të strehojë mbi 2000 opozitarë iranianë, të quajtur ndryshe muxhahedinë, të cilët Teherani i lufton ashpër. /tesheshi.com/
