Kryepolici i Mitrovicës, Nehat Thaçi, i liruar nge serbët pas afro një muaji paraburgim, mbërriti në mbrëmje në pikën kufitare të Merdares, ku e priste ministri i Jashtëm, Enver Hoxhaj.
“Shumë qytetarë serbë më kanë pasur zili në kohën sa kam qenë në burg, vetëm pse kam qenë shqiptar. Ju falënderoj si ministër i Punëve të Jashtme dhe institucionet që janë përkujdesur për mua. Nga nesër do të filloj të jap maksimumin tim që t’ia kthej borxhin këtij shteti për atë çfarë ka bërë për mua, që të më lirojë”, ka thënë Thaçi në të parin deklarim të tij.
“I uroj mirëseardhje nënkolonelit Nehat Thaçi, i cili pa të drejtë qëndroi në Serbi për aq shumë kohë”, tha ministri Hoxhaj.
Nehat Thaçi u arrestua nga Beogradi me akuzën e krimeve kundër popullatës serbe pas përfundimit të luftës. Lirimi i tij ka ardhur pas shtimit të presionit, si duket edhe ndërkombëtar por jo publik deklarativ.
Arrestimi i tij rrezikonte mbarëvajtjen e bisedimeve Prishtinë – Beograd. /tesheshi.com/
