Negociatori ukrainas David Arakhami tha se Rusia e pranon qëndrimin e Ukrainës, me përjashtim të qëndrimit të Kievit për Krimenë, raporton agjencia e lajmeve e Kievit, Interfax Ukraine.
Ai shtoi se Rusia kishte treguar se projekt-marrëveshjet e paqes ishin në një fazë mjaft të avancuar për të lejuar konsultime të drejtpërdrejta midis udhëheqësve të dy vendeve.
Agjencia citoi David Arakhami të thoshte për televizionin ukrainas se Rusia kishte pranuar të gjithë qëndrimin e Ukrainës, me përjashtim të qëndrimit të saj për Krimenë.
Interfax i Ukrainës raporton gjithashtu se Turqia ka të ngjarë të jetë vendi ku Vladimir Putin dhe Presidenti ukrainas Volodymyr Zelensky do të takohen për bisedimet e paqes.
Presidenti turk Rexhep Tajip Erdogan i bëri thirrje Putinit dhe Zelenskit të premten “dhe duket se ka konfirmuar nga ana e tij se ata janë të gatshëm të organizojnë një takim në të ardhmen e afërt”, tha negociatori David Arakhami.
Negociatat në ditët e fundit kanë qenë të vështira, raporton Reuters dhe Kremlini tha se një nga qëllimet e operacionit ushtarak në Ukrainë është rivendosja e shtetësisë së Donetskut dhe Luhanskut brenda kufijve të rënë dakord në 2014. /tesheshi.com/
