Çmenduritë e kreut të Kongresit Botëror Maqedonas, Todor Petrov nuk kanë të ndalur.
Duke dashur të dal në mbrojte të kryqit gjigant që kishte propozuar të ndërtohet në komunën Butel të Shkupit, ai gjatë një fjalimi në protestën e maqedonasve ka provokuar rëndë opinionin e gjërë duke paraqitur simbolin nazist “SS 1488” në megafonin e tij.
Ndaj këtij gjesti së fundi është tmerruar edhe negociatori i BE-së për dalje nga kriza politike të Maqedonisë, belgu Piter Vanhaute. Sipas tij përkrahja që partia maqedonase në pushtet VMRO-DPMNE-ja ia jep Todor Petrovit, paraqet një dëshmi të ideologjisë naziste ndërmjet VMRO-së dhe Kongresit, gjë që tejkalon vijën e kuqe të demokracisë.
“Njerëzit të cilët haptazi tregojnë simbole naziste nuk meritojnë përkrahjen e asnjë partie, qoftë ajo konservative, liberale apo demokratike. Për shkak qëndrimeve të VMRO-DPMNE-së dhe vizitës së kryetarit të kësaj partie që ja bëri Todor Petrovit në spital, krijohet një lidhje problematike mes partisë dhe ideologjisë naziste, e cila tejkalon vijën e kuqe. Pranimi i kësaj është kërcënim për demokracinë, për gjithë ata që dhanë jetën e tyre duke luftuar kundër nazizmit jo vetëm në Evropë por gjithkund në botë”, ka shkruar Vanhaute në rrjetin social facebook.
Numri 14 simbolizon 14 fjalët “Ne duhet të sigurojmë mbijetesën e njerëzve tanë dhe të ardhmen e fëmijëve të bardhë”. Për këtë shkak germa “X” në fjalorin latin është e teta me radhë, neo-nazistët e shfrytëzojnë si përshëndetja “Heil Hitler!”. M.Krasniqi – /tesheshi.com/
