Gjermania i tha “Po” hapjes së negociatave, por Hollanda duket se do i qëndrojë “Jo”-së së saj tekanjoze.
Sipas një raporti të TCH, qëndrimi refuzues hollandez është konfirmuar nga ministri i Jashtëm, Stef Blok, gjatë seancës në Komisionin për Çështjet Evropiane.
“Zgjerimi është sërish në agjendën e tetorit. Jam i lumtur t’u përgjigjem pyetjeve që më janë bërë, por nuk do të ketë surpriza, pasi qëndrimi është i njëjtë me atë që diskutuam përpara verës. Besoj se Maqedonia e Veriut dhe Shqipëria duhet të vlerësohen në mënyrë të pavarur sepse janë dy vende të ndryshme me probleme të ndryshme dhe proges të ndryshëm. Unë tregova më herët se shkalla e progresit në Maqedoni është e madhe se në Shqipëri”, citohet të jetë shprehur kryediplomati hollandez.
“Unë mendoj se Shqipëria do të jetë në gjendje të hapë negociatat sa më shpejtë që të plotësojë kriteret. Por nuk është ende momenti”, ka shtuar më tej ai.
Sipas Blok, hqipëria nuk ka arritur rezultate të prekshme në luftën kundër korrupsionit dhe krimit të organizuar dhe se rekomandimi i Komisionit Evropian për hapjen e negociatave të anëtarësimit është i parakohshëm.
Eshtë një koinçidencë ironike që vendi që më së shumti po refuzon hapjen e negociatave, është pikërisht dhe “atdheu i dytë” i Bashës. Aty kreu demokrat ka jetuar gjysmën e jetës, ka një shtëpi, ka vënë pasuri, ndërkohë që dhe të shoqen e ka me origjinë hollandeze. Gjithsesi, politikisht kjo nuk do të thotë asgjë. Basha nuk njihet si i përkëdhëlur apo me ndonjë status të veçantë në politikën hollandeze. /tesheshi.com/
