Moska kërkon që Ukraina të heqë dorë nga zhvillimi i armëve bërthamore dhe të mos ketë baza ushtarake të huaja në territorin e saj. E cila, siç mund të konkludohet, është e pranueshme për Kievin.
Në këmbim, Ukraina do të merrte atë që David Arahami e quan “një formulim të ngjashëm me nenin 5 të NATO-s”.
Çfarë saktësisht nënkuptohet me këtë, ka bërë të ditur shefi i delegacionit ukrainas.
Së pari, Ukraina do të kërkonte që në një marrëveshje ndërkombëtare, e cila do të nënshkruhej nga vendet e huaja për sigurinë e Ukrainës, të kërkohej sa më poshtë:
– Një dispozitë sipas së cilës “vendet garantuese” do të detyroheshin ligjërisht t’i ofronin ndihmë ushtarake Ukrainës brenda tre ditëve nga fillimi i luftës, agresionit ose operacionit ushtarak.
– Ndihma ushtarake do t’i referohej edhe “mbylljes së qiellit”, pra futjes së një zone ndalim-fluturimi mbi Ukrainë, të cilën Perëndimi, për shembull, as që mendon ta krijojë nga frika e një reagimi rus.
– Garancitë e sigurisë së Ukrainës do të ishin shtetet që janë anëtarë të përhershëm të Këshillit të Sigurimit të OKB-së (SHBA, Kina, Franca, Mbretëria e Bashkuar dhe Federata Ruse), por u vu re se “kjo do të diskutohet veçmas”. Ukraina dëshiron që Turqia, Gjermania, Kanadaja, Italia, Polonia dhe Izraeli të jenë ndër garantuesit.
– Garancitë e sigurisë “përkohësisht” do t’i referoheshin territoreve të pushtuara të Donetskut dhe Luganskut.
– Të gjitha vendet që garantojnë sigurinë nuk duhet të kundërshtojnë anëtarësimin e Ukrainës në BE, apo ta ndihmojnë atë në këtë proces.
Mikhail Podoljak, një këshilltar i presidentit ukrainas Volodymyr Zelensky, theksoi se të gjitha këto propozime duhet të miratohen nga vetë ukrainasit.
– Kjo është gjëja kryesore. Ne duhet të marrim mbështetjen e qytetarëve tanë për një marrëveshje të tillë, tha ai.
Rusia nuk e ka shpallur ende propozimin e saj. /tesheshi.com/
