Ukraina nuk do të bëjë kompromis për integritetin e saj territorial në negociatat me Rusinë, por është e gatshme të negociojë një model jo-NATO për të ardhmen, tha për Fox News David Arahami, një nga negociatorët e Ukrainës.
Ukraina po kërkon anëtarësimin në Bashkimin Evropian dhe NATO, gjë që Moska e kundërshton. Presidenti rus Vladimir Putin deklaroi se mundësia e anëtarësimit të Ukrainës në NATO është dëshmi se NATO po kryen agresion kundër Rusisë.
“Përgjigja që marrim nga vendet e NATO-s është se ata nuk janë as të gatshëm të negociojnë anëtarësimin tonë, të paktën jo në pesë deri në dhjetë vitet e ardhshme”, tha negociatori Arahami.
“Ne jemi gati të negociojmë një model jo-NATO. Për shembull, ne mund të marrim garanci të drejtpërdrejta nga vende të ndryshme, si SHBA, Kina, Mbretëria e Bashkuar dhe ndoshta Gjermania dhe Franca. Ne jemi të gatshëm të bisedojmë me një gamë më të gjerë vendet, jo vetëm dypalëshe me Rusinë sesa partnerët e tjerë”, shtoi ai.
Delegacionet e Ukrainës dhe Rusisë kanë përfunduar tashmë dy raunde negociatash që kur Rusia sulmoi Ukrainën fqinje më 24 shkurt.
Modeli jo-NATO (MNNA) është një emër i dhënë nga Shtetet e Bashkuara për qeveritë e vendeve aleate të ngushta që kanë marrëdhënie strategjike me forcat e armatosura të SHBA-së, por nuk janë anëtarë të NATO-s.
Statusi i tyre nuk përfshin një marrëveshje të mbrojtjes reciproke me Shtetet e Bashkuara, por ajo sjell avantazhe të ndryshme ushtarake dhe financiare që nuk janë të disponueshme për vendet joanëtare të NATO-s. /tesheshi.com/
