Athina paralajmëron se do vijojë të luajë kartën e saj nacionaliste, servirur si parimore, në rastin e një “ok” për Tiranën për hapjen e negociatave.
“Nëse Shqipëria përmbush detyrimet e saj për të drejtat e njeriut, unë personalisht do të mbështes një vendim të mundshëm në qershor për Shqipërinë për të filluar proceset e pranimit në BE”, ka qenë deklara e kryeministrit grek Alexis Tsipras në një intervistë dhënë për “Financial Times”.
“Të drejtat e njeriut”, sipas politikës greke, përkthehen si “te drejtat e minoritetit grek në jug”, siç dhe partia e Athinës në Shqipëri quhet Partia Bashkimi për të Drejtat e Njeriut, një kamuflim i përqëndrimit te interesat e minoritetit.
“Nëse Shqipëria përmbush detyrimet e saj për të drejtat e njeriut, Greqia dhe unë personalisht do të mbështes një vendim të mundshëm në qershor për Shqipërinë për të filluar proceset e pranimit në BE, së bashku edhe Maqedoninë e Veriut”, ka thënë Tsipras.
Por cilat janë këto të drejta të mohuara? Në asnjë rast Greqia nuk liston të tilla, por mjaftohet me një tezë të përgjithshme. /tesheshi.com/
