Një grup i ekstremit të djathtë kanë kërcënuar ministrin e Jashtëm grek, Nikos Kotzias. Mediat greke bëjnë të diture se denoncimi është bërë nga Ministri i Mbrojtjes së Qytetarëve, Nikos Toskas.
Ai tha se letra ishte anonime dhe ishte shkruar mesazhi: “Ne kemi tre plumba për ju”.
Ministri për Mbrojtjen e Qytetarëve e përshkroi letrën si “të papranueshme” dhe i bëri thirrje pjesës tjetër të forcave politike të dënojnë veprime të tilla, siç tha ai, ‘është në interes kombëtar të ketë një klimë më të mirë’.
Kërcënimi ka ardhur pas shpalljes se Athina po mbyll mosmarrëveshjet me Shqipërinë dhe Maqedoninë.
Me këtë të fundit, Greqia kërkon të zgjidhë çështjen e emrit. Ndërsa më Shqipërinë ka disa cështje të hapura, ku ndër më kryesoret janë një Pakt i ri Detar, heqja e Ligjit të Luftës, si dhe Çështja Çame. /tesheshi.com/
