Kryeministri Rama ka përcjellë një mesazh të hidhur lidhur me negociatat, më saktë qëndrimit ndaj tyre nga disa vende të BE-së, por që shefi i qeverisë ka përgjithësuar të gjithë BE-në në qasjen e tij kritike, përmbledhur në pak fjalë.
“Nëse Franz Kafka apo Ismail Kadareja do të kishin pasur mundësinë të ndiqnin nga brenda këtë procesin e vendimmarrjes së BE-së, për të thënë PO a JO për Shqipërinë dhe Maqedoninë e Veriut, do të kishin parë se si realiteti e konkuron edhe fantazinë e tyre të pakonkurueshme”, shkruan Rama.
Ky mesazh i Ramës vjen ndërsa shpresat për hapjen e negociatave janë në shuarje, e kjo pas qëndrimeve dhe njëherë kundër të Francës dhe Hollandës. /tesheshi.com/
