Kryeministri Rama ka dhënë të tjera shpjegime mbi atë çfarë ndodhi ditë më parë në Këshillin e Europës, ku hapja e negociatave u shty në qershorin e vitit të ardhshëm. Ai ka përdorur së fundi dhe një sofizëm, si reagim ndaj zërave opozitarë për dështim.
“Nuk kemi humbur 12 muaj, por kemi 12 muaj përpara”, tha Rama.
“Normal se ka një ndryshim mes çeljes së negociatave në këto momente dhe çeljes së negociatave në 12 muaj. Por dhe nëse çelja e negociatave do ishte immediate, do na duhej një kohë e caktuar nga 6 deri në 12 muaj”, theksoi kryeministri.
Ndër të tjera ai tha se ndihej i befasuar për mirë nga sjellja e Greqisë dhe Italisë.
“Jam i surprizuar për mirë nga fqinjët tanë. Kemi kapërcyer një moment delikat. Të gjithë kanë punuar shumë për negociatat”, theksoi Rama, duke folur në një takim me strukturat e integrimit. /tesheshi.com/
