Ka dështuar sërish, kësaj here e shkak Bullgarinë, mbajta e Konferencës së Parë Ndërqeveritare për hapjen e negociatave për Shqipërinë dhe Maqedoninë e Veriut.
Lajmi u dha nga ministrja e jashtme portugeze Ana Paula Zacarias, pas mbledhjes së sotme të Këshillit të Çështjeve të Përgjithshme në Luksemburg. Zacarias tha se ishte e pamundur që të arrihej dakordësia për mbajtjen e Konferencës së Parën Ndërqeveritare për Shqipërinë dhe Maqedoninë e Veriut, ndërsa shtoi se kjo të arrihet të përcaktohet gjatë presidencës sllovene që nis më 1 korrik deri në fund të vitit 2021.
“Presidenca portugeze bëri të pamundurën për të arritur një kompromis. E kuptojmë se është një moment i vështirë për Maqedoninë e Veriut dhe Bullgarinë. E kuptojmë që ende nuk ka ardhur koha. Ne e ftojmë presidencën sllovene të vazhdojnë përpjekjet tona. Ne shpresojmë që të mbajmë Konferencat e Para Ndërqeveritare me këto dy vende sa më shpejt”, tha Zacarias.
Përfaqësuesi bullgar në takim, sipas MIA-s, ka thënë se “BE nuk e kupton sa i thellë është problem midis Shkupit dhe Sofjes”, se “kjo mosmarrëveshje është një çështje evropiane” dhe se “Bullgaria është në një situatë specifike për shkak të zgjedhjeve të ardhshme në korrik”.
Pra, në këtë rast, pasi morri dakortësinë dhe të Francës e Hollandës, Shqipëria e pëson nga ngërçi mes Sofjes dhe Shkupit. /tesheshi.com/
