Në një fjalim mbajtur në Bruksel pas hapjes së negociatave, kreministri Rama foli dhe për lumturi njerëzore apo politike.
“Ne nuk kemi kurrë më të vetëdijshëm për sfidat, për ne dhe për projektin në tërësi. BE ka nevojë për Ballkanin Perëndimor po aq sa Ballkani Perëndimor ka nevojë për Bashkimin Evropian.
“Kjo është koha për një epokë të re. Ne jemi këtu për t’iu kujtuar qytetarëve tuaj pse kjo ka rëndësi edhe për qytetarët tuaj dhe për Evropian. ‘Lufta drejt lartësive mjafton për të përmbushur lumturinë e njeriut’.
Sot unë jam i lumtur. Zemrat e njerëzve janë të lumtur. Asnjëherë nuk kisha menduar që në këtë ndërtesa do të shikoja kaq njerëz të lumtur. Ne një ditë do të kemi sukses të arrijmë majën e malit dhe nuk do të jemi të detyruar të zbresim sërish”, tha me shumë emotivitet i pari i qeverisjes shqiptare.
Në një rezyme mbi Shqipërinë që ai udhëheq, theksin më së pari e vuri te drejtësia.
“Ne shkatërruam pallatin e vjetër të drejtësisë. Tani kemi institucionet e reja, SPAK dhe BKH janë elementë thelbësorë të kësaj epoke të re. Nëse vite më parë do të kishim pyetur dikë në Shqipëri, për shanset për të parë një politikan pas hekurave, do të kishin qeshur para jush.
Askush nuk është imun ndaj drejtësisë, as pozita, as tesera e partisë nuk mund t’i ndihmojë më.
Një gjyqësor i pavarur dhe barazia para drejtësisë janë të mundshme dhe të arritshme për Shqipërinë”, u shpreh Rama.
Sipas tij, vetëm për një gjë bien dakort shqiptarët dhe ajo e ka emrin Europë.
“Në Shqipëri, nuk jemi dakord pothuajse për gjithçka, por për një gjë biem dakord: nuk ka rrugë tjetër përveç Bashkimit Evropian. Për shekuj na është dashur të jetojmë në regjime që nuk i kemi zgjedhur, por Evropa është e para herë që ne të kishim një zgjedhje të lirë dhe zgjodhëm t’i japim gjithçka Evropës. Evropa, me vlerat, parimet dhe standardet e saj, bën të mundur një Ballkan tjetër, një Ballkan paqeje, prosperiteti dhe sigurie”, arsyetoi Rama, duke e shenjtëruar më pas BE-në
“BE-ja ka qenë më shumë sesa raporte apo shkresa. Integrimi i plotë në Bashkimin Evropian është për kombin shqiptar një çështje për jetë a vdekje”, ishin fjalët e kryeministrit. /tesheshi.com/
