Kancelarja gjermane Angela Merkel ka thënë se ajo do të bëjë gjithçka që deri në tetor të ketë një datë për fillimin e negociatave të anëtarësimit të Maqedonisë Veriore në Bashkimin Evropian. Por në këtë përbetim, gruaja që nxiti kryeministrin Rama që t’ja niste me Reformën në Drejtësi, karta kryesore e qeverisë shqiptare për t’u shpërblyer me hapje negoiciatash, nuk e ka përfshirë dhe në Shqipërinë.
“Unë do të bëj gjithçka mundem për një vendim pozitiv. Maqedonia (Veriore) bëri një akt shembullor duke nënshkruar Marrëveshjen e Prespës (me Greqinë). Unë do të bëjë gjithçka mundem dhe do të vë gjithë peshën time politike mbi këtë çështje”, tha Merkel.
Data e negociatave me Maqedoninë e Veriut dhe Shqipërine duhet të përcaktohej në një samit të liderëve të BE-së këtë javë, por vendimi u shty për në tetor.
Si reagim, kryeministrat Edi Rama dhe Zoran Zaev, thanë për Financial Times se forcat nacionaliste do të forcohen në Ballkan nëse Shqipëria dhe Maqedonia Veriore nuk marrin dritën e gjelbërt për të filluar negociatat me Bashkimin Evropian deri në vjeshtë.
Ata paralajmëruan ministrat e jashtëm të BE për “pasojat e mundshme” pas shtyrjes së vendimit për fillimin e negociatave.
“Ne nuk kemi nevojë për një radikalizmit të ri nga nacionalizmi dhe populizmi në vendin tonë”, tha Zaev.
“Ballkani Perëndimor është si një trup që tërhiqet dhe gjakoset. Nuk është e mundur të mbahet në këtë mënyrë, mund të ketë infeksione, të cilat do të ishin të rrezikshme për të gjithë trupin”, tha Rama. /tesheshi.com/
