Presidenti i Ukrainës Volodymyr Zelensky iu drejtua kombit këtë mëngjes dhe tha se nuk mund të negociojë me rusët në Bjellorusi.
“Unë sinqerisht dua që Bjellorusia të bëhet përsëri e mirë dhe e sigurt, siç i është dukur të gjithëve jo shumë kohë më parë. Zgjedhja e duhur është zgjedhja kryesore e jetës suaj,” tha Zelensky në një video të re.
Ai tha se Ukraina nuk mund të negociojë në Bjellorusi, një vend i përdorur për të sulmuar Ukrainën.
Zëdhënësi i Kremlinit Dmitry Peskov u tha gazetarëve më herët se delegacioni rus kishte mbërritur në Bjellorusi për bisedime dhe se “tani ukrainasit janë duke pritur”.
Në një fjalim kombëtar të dielën në mëngjes, Zelensky tha se ai mbeti i hapur për bisedime në vende të tjera që nuk treguan agresion kundër Ukrainës, raporton The Guardian.
Presidenti ukrainas shtoi se bisedimet në Minsk mund të ishin të mundshme nëse Rusia nuk do të kishte sulmuar Ukrainën nga territori bjellorus.
Ushtria ukrainase njoftoi se mëngjesin e sotëm ka rrëzuar një “raketë lundrimi” të gjuajtur në Kiev nga një avion bjellorus Tu-22.
“Pak minuta më parë, Forcat Ajrore të Forcave të Armatosura të Ukrainës rrëzuan një raketë lundrimi të lëshuar në kryeqytetin e Ukrainës nga territori i Republikës së Bjellorusisë me një aeroplan TU-22, tha Komandanti Suprem i Forcave të Armatosura të Ukrainës”, Valery Zaluzhny, në një deklaratë rreth orës 9 të mëngjesit me kohën lokale.
“Ky është një tjetër krim lufte i Federatës Ruse dhe Rusisë,” shtoi Zaluzhnyi. /tesheshi.com/
