Kreu i diplomacisë së Berlinit, Hieko Maas, duke komentuar votimin në Bundestag pro hapjes së negociatave me Tiranën dhe Shkupin, tha se kushtëzimi në rastin e Tiranës ka një qëllim pozitiv për Shqipërinë.
“Jemi të sigurt se qasja e kushtëzuar, e sugjeruar nga Bundestagu gjerman, do të bindë vendet e tjera në BE të bien dakord për fillimin e negociatave të pranimit”, tha kryediplomati gjerman.
Nga ana tjetër, Maas tha se vendimi gjerman tregon se reformat shpërblehen e jo vetëm kaq. “Miratimi nga Bundestagu gjerman për fillimin e negociatave të pranimit me Shqipërinë dhe Maqedoninë e Veriut tregon një mesazh të rëndësishëm. Votimi thekson rëndësinë e Ballkanit Perëndimor për BE. Në të njëjtën kohë shpjegon se reformat po shpërblehen”, shtoi Maas. /tesheshi.com/
