Zëdhënësja e Komisionit Evropian Ana Pisonero tha të premten se pozicioni i KE ishte “i qartë dhe i pandryshuar” kur bëhet fjalë për plotësimin e kushteve dhe mbajtjen e konferencave të para ndërqeveritare me Shqipërinë dhe Maqedoninë e Veriut.
“Pozicioni ynë është se të dy vendet kanë përmbushur kushtet dhe se ne do të dëshironim të shihnim konferencat e para ndërqeveritare të mbajtura sa më shpejt të jetë e mundur,” tha Pisonero.
Lidhur me deklaratën e Komisionerit Evropian për Zgjerimin Oliver Varhelyi se një skenar i “ndarjes” së fillimit të negociatave të pranimit midis Shqipërisë dhe Maqedonisë Veriore është i mundur, KE thekson se varet nga vendet anëtare, d.m.th.. nëse Këshilli i BE arrin një marrëveshje mbi kornizat negociuese për Tiranën dhe Shkupin.
“Në mkars 2020, Këshilli i BE ra dakord të hapë negociatat e pranimit me të dy vendet dhe renditi kushtet specifike për Shqipërinë që ky vend ka përmbushur. Ne jemi të gatshëm t’i raportojmë Këshillit të BE përpara se të vendosim për kornizën e negociatave”, tha Pisonero.
Megjithëse vendet anëtare të BE mbështetën hapjen e bisedimeve të pranimit me Shqipërinë dhe Maqedoninë Veriore në fillim të vitit 2020, Bullgaria bllokoi një kornizë negociatash për Maqedoninë e Veriut gjatë vitit mbi akuzat për “identitet të rremë të Maqedonisë”.
Deri më tani, asnjë marrëveshje nuk është arritur midis Brukselit, Sofjes dhe Shkupit dhe bllokada e Maqedonisë Veriore ka bllokuar indirekt miratimin e një kornize negociuese për Shqipërinë, si dhe miratimin e konkluzioneve vjetore të Këshillit të BE mbi Ballkanin Perëndimor.
Portugalia, si vendi që mban presidencën e Këshillit të BE, njoftoi se katër konferenca ndërqeveritare janë planifikuar për në qershor me Serbi-Malin e Zi, si vende tashmë negociuese të anëtarësimit dhe për herë të parë me Shqipërinë dhe Maqedoninë Veriore. /tesheshi.com/
