Një fërkim i lehtë është vënë re mes qeverisë Rama dhe presidentit Meta, për rastin e negociatave me Greqinë për Paktin e ri Detar.
Kreu i shtetit ka kërkuar nga Mnistria e Jashtme, më saktë z.Bushati, që të informohet për emrat e negociatorëve para se të japë plotfuqishmërinë që i kërkohet në emër të Kushtetutës, por ministri i Jashtëm ka dhënë një shpjegim në formën e një leksioni ligjor për Metën.
“S’dua të komentoj presidentit. Në momentin që plotfuqishmëria do të vijë normale që do të fillojë puna. Unë kam kërkuar mbi bazë të ligjit për marrëveshjen ndërkombëtare, autorizim, jo plotfuqishmëri, autorizim për të nisur punën. Pasi përfundon negociata duhet sërish që nga ana e presidentit të Republikës të lëshohet autorizimi për firmosjen e marrëveshjes dhe hapi i tretë kur presidenti i Republikës serish ka një rol, është momenti kur marrëveshja miratohet në Kuvend dhe presidenti i Republikës ka të drejtën e dekretimit ose jo të kësaj marrëveshje”, u shpreh Bushati.
Këto janë fërkime të natyrës teknike, por ditët në vijim do të shihet nëse nga kreu i shtetit do të ketë dhe kontestime të natyrës politike. /tesheshi.com/
