Negociatat e reja për grupin e miqësisë Shqipëri-SHBA në Kuvend dhe e vërteta e përjashtimeve

Mbledhja e Komisionit të Miqësisë Shqipëri- Shtetet e Bashkuara të Amerikës do të zhvillohen pas ç’tensionimit të situatës politike në vend dhe pasi të ribëhet lista e grupit të miqësisë, e cila pritet të ndryshojë thuajse tërësisht. Një burim diplomatik i tha “tesheshi.com” se listat e nxjerra nga disa media online për deputetë të kontenstuar nga ambasada amerikane në Tiranë nuk kanë qenë të sakta. Takimi që ambasadori amerikan në Tiranë ka zhvilluar me kryetarin e Parlamentit Ilir Meta dhe kryetarin e Komisionit Parlamentar të Ligjeve, Fatmir Xhafa, ka pasur si rezonante pikërisht atë që takimi duhet të zhvillohet në një klimë politike të qetë kur edhe opozita të jetë në parlament dhe me këtë rast të largohen ata parlamentarë për të cilët ambasada e SHBA mëse një herë ka kërkuar moskandidimin dhe largimin e tyre nga politika pasi cilësohen si “të kriminalizuar”. Javën e ardhshme pritet që të happen negociatat për të ribërë këtë listë ku përveç kreut të Kuvendit Ilir Meta, kryetari i grupit të miqësisë Shqipëri-SHBA Pandeli Majko dhe deputeti i Partisë Demokratike, Eduard Selami, i cili ka relacione të mira me ambjentet ku përpunohet politika për Shqiërinë do të rihartojnë draftin e listës së grupit të miqësisë. Mësohet se përveç çështjes së deputetëve të inkriminuar janë cekur edhe parlmentarë që janë edhe anëtarë të grupeve të tjera të miqësisë, dhe kjo është cilësuar jo normale nga ambasada e SHBA në Shqipëri.(tesheshi.com)