Kryeministri maqedonas e ka parë si datë hapje negociatash qershorin e vitit 2019, e jo thjesht si kohë. Ky ishte dhe thelbi një debati në parlamentin shqiptar nxitur nga opozita, nëse është datë apo kohë.
“Lajmi i madh është konfirmuar se Republika e Maqedonisë merr një datë për negociatat: qershor 2019″, tha Zaev në një konferencë të përbashkët shtypi me Presidentin e Këshillit Evropian Donald Tusk në Bruksel.
“Vendi ynë e meriton atë. Bashkimi Evropian ka pranuar se Maqedonia bëri një ndryshim nga shteti i kapur në vetëm një vit”, tha kryeministri maqedonas.
Ai shtoi më pas se Maqedonia do të jetë në gjendje të përfundojë negociatat për hyrjen në Bashkimin Evropian në 2025.
“Sipas përvojës së mëparshme, negociatat zgjasin për një mesatare prej shtatë vjetësh. Nëse pranojmë këtë dinamikë për Maqedoninë, del që negociatat të përfundojnë në vitin 2025. Pikërisht, kaq është koha e parashikuar në strategjinë për një zgjerim të besueshëm të BE-së”, tha Zaev.
Zaev tha se zgjerimi i ardhshëm i cili do të përfshijë Maqedoninë, është në thelb një konsolidim i BE-së.
“Ky konsolidim, e cila me pamjen e duhur për liderët e vendeve të BE-së do të jetë i plotë kur në familjen e Unionit të pranohen vendet e Ballkanit Perëndimor, të cilat i plotësojnë kushtet”, shtoi shefi i qeverisë së Shkupit. /tesheshi.com/
