Rama lëshoi qeverinë, KQZ-në, Policinë, datën e zgjedhjeve…ndërsa Bashës iu kërkua vetëm një gjë: Voto Vettingun! Pse kreu i PD-së i hodhi në erë negociatat e ndërkombëtarëve dhe vrapoi tek Berisha? A po mbrohet djali i ish-kryeministrit pas protestës së PD-së?
Zhgënjimi i politikës por dhe i publikut që priste që e marta do të sillte qetësimin e situatës dhe një marrëveshje politike ishte i madh. Lulzim Basha ishte i pari që doli nga Pallati i Kongreseve dhe mbajti frymën tek zyra e ish-kryeministrit dhe ish-kreut të PD-së Sali Berisha. Ndërkohë që ata të dy ishin në zyrë dega e PD-së në Tiranë organizoi në kohë rekord njerëzit e saj që t’i sillte në çadër në një tubim të papritur, ku do të dilte Basha për të deklaruar dështimin e negociatave.
Po çfarë thanë ndërkombëtarët në bisedime që Lulzim Basha të ngrihej vrik dhe të shkonte tek Berisha? Burime diplomatike thanë për tesheshi.com se ka qenë pikërisht “Vettingu”. Ambasadori amerikan, Donald Lu ka ndëhyrë në një moment në negociata duke i thënë Bashës se ka një mesazh të qartë nga Washingtoni: Vettingu! Duhet ta votoni! U reflektuar më pas kjo dhe në një status të Ramës orët e vona, ku në vend të thuhej diccka mbi negociatat e dështuara, aty përmendej vetëm “Vettingu”.
Mesa duket, kreu i PD-së kishte hkuar në bisedime më shumë se sa për qeverinë teknike, për të rikthyer dhe një herë pas procesin e Reformës në drejtësi, i cili ka mbetur pezull për shkak të votës së deputetëve të PD-së.
Prej mujash në qarqet e politikës shqiptare dhe ato diplomatike qarkullon fjala se e gjithë protesta e PD-së, bojkoti i Kuvendit dhe lufta që po bën opozita ka një emër të vetëm shkaktar: Shkëlzen Berisha. I biri i ish-kryeministrit e ka emrin në dosjen e aferave të shitjes së CEZ. Flitet se Berisha ka kërkuar nga ambasadori Lu garanci për të mos u preku i biri nga “drejtësia e re”, por e vetmja që i është ofruar nga përfaqsuesi i Uashingtonit ka qenë “garancia e ligjit”. Dhe kjo ka bërë që më pas “të hapet ccadra”, e potencuar kjo pak javë më parë dhe nga ish-këshilltari i Berishës, shqiptaro-amerikani Grid Rroji, kur tha se ccadra nisi pas Shkëlzen Berisha nisi të thirrej në komisionin hetimor për aferën CEZ.
Kjo gjithashtu e shpjegon dhe zemërimin e Bashës në bisedimet e djeshme, ku nuk i është dhënë mundësia që të negociojë mbi paketën e ligjeve të Reformës në Drejtësi, që ai ka kërkuar ta rikthejë dhe një herë në Kuvend për ta ndryshuar pasi është votuar.
Më tej, me shumë gjasa kjo shpjegon dhe vrapin e tij tek zyra e Berishës, në vend që të shkonte në selinë e PD-së dhe të mblidhte strukturat e partisë, e më tej aleatët e tij, për të diskutuar mbi ofertën që i kishte dhënë mazhoranca Rama-Meta në tavolinë: qeveri teknike; KQZ-në; spastrimin e policisë dhe shtyrje të zgjedhjeve.
Duke marrë një vendim personal (këshilluar vetëm nga Berisha) Lulzim Basha vendosi mbrëmë për PD-në, për aleatët dhe për gjithë njerëzit që e ndoqën e i besuan në 2 muaj e gjysëm protestë.
Por, a do të pranojnë të gjithë aktorët e opozitës vendimin e tij?! Kjo mbetet për t’u parë. /tesheshi.com/
