Mund të thuhet se është mbyllur saga e negociatave, pasi vendimi për Maqedoninë dhe Shqipërinë është shtyrë për pas një viti.
Vendimi për shtyrje është marrë në takimin e së martës të Këshillit të Marrëdhënieve të Përgjithshme, që merret me përgatitjet e takimeve të Këshillit Europian.
Ato do të jenë të kushtëzuara për dy vendet, ku e përbashkëta është lufta kundër korrupsionit, e kur është fjala për Shqipërinë është theksuar ecuria e reformës në drejtësi. Gjithsesi, këtë zhvillim, si për të mos i lënë nën trishtim Tiranën dhe Shkupin, Komisioneri Hahn e ka parë me optimizëm.
“Rrugëtimi drejt hapjes së bisedimeve të anëtarësimit në qershor të vitit 2019 është i qartë. Një sinjal kyç ky për rajonin se progresi i bërë shpërblehet, sikurse edhe vendimtar për besueshmërinë e vet BE-së”, shkroi Hahn në Twitter. /tesheshi.com/
