Pasi Rama ka etiketuar opozitën si esadiste, përkthyer si tradhëtare, referuar figurës së Esad Pashë Toptanit, kryedemokrati Basha i është përgjigjur me Hamza Kastriotin.
“Rama është ‘Hamzai’ i interesave të vendit. Tradhtari i Shqipërisë është ai që e solli drogën, krimin dhe korrupsionin, që zgjodhi aleancën me krimin para hapjes së negociatave”, tha Basha.
Fjalët e këtij të fundit ishin pjesë e një tirade akuzuese ndaj qeverisë, me pretendimin se Shqipërisë iu refuzua hapja e negociatave.
“Në Europë nuk shkohet duke mashtruar, duke gënjyer. Nuk janë më 5 kushtet fillestare, por tashmë janë 13. Shqiptarët duhet ta kuptojnë që vendimin për negociatat e hapin vetëm vendet anëtare”, tha Basha. /tesheshi.com/
