Partitë politike kanë dorëzuar listat e tyre të premten në mbrëmje në Komisionin Qendror të Zgjedhjeve, të përpiluara me emrat kandidatë.
Zëdhënësi i KQZ-së, Valmir Elezi, ka bërë të ditur për mediat se për të garuar në zgjedhjet parlamentare të 11 qershorit kanë aplikuar 5 koalicione, 19 parti dhe 2 iniciativa.
Dy partitë e mëdha, PDK-ja dhe LDK-ja, ende nuk i kanë treguar emrat që janë përfshirë në lista, gjë që pritet sot të bëhet publike.
Ndërkohë, Vetëvendosje ka zyrtarizuar emrat e 110 kandidatëve për deputetë.
Kujtojmë se në këto zgjedhje gara pritet të jetë tejet e ashpër, ku PDK-ja, AA-ja, NISMA, i ashtuquajturi “krahu i luftës”, do garojnë me një listë zgjedhore kundër “krahut të paqes”, LDK, AKR dhe Alternativa, ndërsa VV-ja do garojë e vetme. /tesheshi.com/
