Shpëtuesit detarë spanjollë njoftuan se kanë nxjerrë nga ujërat e rrezikshme qindra emigrantë gjatë tri ditëve të fundit. Emigrantët ishin duke u përpjekur të bëjnë kalimin e Detit Mesdhe, veprim ky që konsiderohet tejet i rrezikshëm.
Ekipet e shpëtimit thonë se gjatë tri ditëve nxorën 416 njerëz nga 10 anije të ndryshme.
Vitin e kaluar, Spanja u bë pika kryesore e hyrjes për emigrantët në Evropë, me 60,000 persona që hynë në mënyrë të parregullt.
Emigrantët nga deti arritën kulmin në tetor, me 11,000 persona por që ra në nën 500 në muajin mars, sipas Ministrisë së Brendshme të Spanjës.
Agjencia e Kombeve të Bashkuara për Refugjatë thotë se më shumë se 800 njerëz janë zhdukur mendohet të kenë humbur jetën në 2018 duke u përpjekur të arrijnë Spanjën përmes rrugëve detare. /tesheshi.com/
