Kina raportoi 63 të infektuar të rinj COVID në 24 orët e fundit të enjten, numri më i lartë që nga korriku, ndërsa autoritetet përpiqen të izolojnë një shpërthim të koronavirusit që është shfaqur në zonën përreth Pekinit.
Vendi ku koronavirusi u shfaq një vit më parë pranverën e kaluar në masë të madhe, e shtypi epideminë falë kontrollit të rreptë të lëvizjes, mbajtjes universale të maskave, masave të karantinës dhe aplikacioneve të gjurmimit.
Por numri i të sëmurëve dhe të vdekurve në Kinë këto ditë po rritet, megjithëse është shumë larg nga numrat e raportuar jashtë vendit.
Shumica e të infektuarve vijnë nga Shijiazhuang, kryeqyteti i provincës Hebei, i cili rrethon Pekinin (51 të infektuar plus 69 raste asimptomatike).
Të gjitha shkollat në zonën prej 11 milion banorësh janë të mbyllura.
Autostradat kryesore për në Shijiazhuang, rreth 300 kilometra në jug të Pekinit, janë të mbyllura dhe autobusët ndërqytetës nuk veprojnë për të parandaluar përhapjen e virusit jashtë qytetit.
Për shkak të arsyeve shëndetësore, stacioni kryesor hekurudhor në Shijiazhuang është mbyllur dhe nuk pranon më pasagjerë, raportoi televizioni publik ÇTV. /tesheshi.com/
