Autoritetet në Indi kanë zbatuar një seri masash të pazakonta për të frenuar përhapjen e epidemisë së koronavirusit. Në vendin e dytë më të populluar në botë, karantina e plotë është në fuqi për shkak të mundësisë së përhapjes së infeksionit me shpejtësi të lartë, dhe tani është vendosur edhe një sanksion për një nga zakonet më të përhapura ndër indianë – të pështyrit.
Të pështyrit pas konsumit të duhanit, të gjetheve të çajit, të arrave të palmës dhe produkteve të ngjashme, është e zakonshme në Indi dhe disa shtete e kanë ndëshkuar atë për vite me radhë, por njerëzit zakonisht nuk e kanë marrë seriozisht.
Sidoqoftë, qeveria e Narendra Modit, ka llogaritur pështyrjen në veprat penale nën kujdesin e Ligjit të Menaxhimit të Fatkeqësive. Ata që e bëjnë këtë do të gjobiten dhe dënohen deri në një vit burg.
Ndërkohë, kohët e fundit ka pasur disa incidente në të cilat pacientët që vuajnë nga Covid-19 pështyjnë profesionistët e kujdesit shëndetësor.
“Virusi transmetohet me stërkala, kështu që pështyma është një veprim i rrezikshëm në rrethanat aktuale dhe ne duhet të vendosim dënime të rrepta,” tha zëdhënësi i qeverisë Punya Srivastava. /tesheshi.com/
