Pavarësisht vendimit të kryetarit të Partisë Përparimtare Serbe, njëherit kryeministrit Aleksandar Vuçiç që të mos vie sot në Kosovë, tubimi në kuadër të fushatës për president të Serbisë do të mbahet në Leposaviq dhe në vend të tijdo të vjen drejtori i të ashtuquajturës Zyre serbe për Kosovën, Marko Gjuriq dhe dy ish-ministra, Nikola Selakoviq dhe Bratislav Gashiq.
Siç bën të ditur Bordi Komunal i Partisë Përparimtare Serbe në Leposaviq, në tubim do të flasë Gjuriq dhe dy ish ministrat, që njëherësh janë anëtarë të kryesisë së SNS-së, shkruan Radio KIM, përcjell Klan Kosova.
Pas deklaratës së ministrit të Punëve të Jashtme të Kosovës, Enver Hoxhaj që Vuçiçit t`i lejohet të qëndrojë në Kosovë për tre orë, ky i fundit dje pasdite vendosi që ta anulojë vizitën në vendin tonë me arsyetimin se “nuk dëshiron që askush ta shantazhojë”.
Ardhja e delegacionit serb ka nxitur pakënaqësi të mëdha tek qytetarët.
Banorët e komunës së Rahovecit kanë dalë të protestojnë kundër kësaj vizite që nga ora 07:30 të mëngjesit të sotëm, duke bllokuar kështu rrugën në hyrje të fshatit Hoq e Madhe. Poashtu nga qytetarët është bllokuar edhe aksi rrugor Prishtinë-Gjilan,
Kujtojmë se paraprakisht autoritetet e Kosovës e ndaluan ardhjen e ministrave serbë, Nebojsha Stefanoviq dhe Aleksandar Vulin.
Vuçiq, për herë të fundit e ka vizituar Kosovën një vit më parë, në kuadër të fushatës parazgjedhore. /tesheshi.com/
