Në Turqi brenda një viti janë kryer 11 sulme terroriste, në të cilat kanë humbur jetën me qindra vetë, ndërkaq shnjestrat më të shpeshta të sulmeve kanë qenë Ankaraja, Stambolli dhe vendet përreth kufirit turko-sirian.
Pa llogaritur sulmin e mbrëmshëm në aeroportin “Ataturk”, ku humbwn jetën 41 persona ndërsa 239 janë lënduar, agjencitë turke të lajmeve njoftojnë se në dhjetë sulmet e mëparshme terroriste kanë humbur jetën 242 persona e janë lënduar 763 vetë.
Në shumicën e këtyre sulmeve terroriste, përgjegjësinë e ka marrë PKK, ndërkaq në disa raste sulmet janë kryer edhe nga Shteti Islamik, prej tyre edhe sulmi më vdekjeprurës në territorin turk i kryer me 10 tetor të vitit 2015. /tesheshi.com/
