Drejtoria e Përgjithshme e Shërbimeve të Transportit Rrugor, një institicion që drejtohet nga Blendi Gonxhe, ka ofruar një set këshillash për drejtuesit e automjeteve që të tregojnë kujdes të veçantë gjatë udhëtimit në këto ditë me mot të acartë.
Aty thuhet:
- Verifikimin që sistemet e ngrohjes së kabinës, xhamave dhe pasqyrave funksionojnë në mënyrën e duhur;
- Përdorimi i antifreeze për sistemin e ftohjes së motorit;
- Qarkullimi vetëm me goma të përshtatshme për stinën e dimrit;
- Mbajtja gjithnjë në makinë mjetet e domosdoshme për qarkullimin në temperatura ekstreme (zinxhirë, pastruese për akullin e xhamave, etj.)
- Kur ka dëborë apo ngricë, koeficienti i fërkimit me asfaltin ulet ndjeshëm, ndaj duhet ruajtur distanca e sigurisë shtesë nga mjeti që paraprin;
- Mos kryerja e manovrave të nxituara veçanërisht në prani të dëborës;
- Qytetarët duhet të tregohen të kujdesshëm me frenimin dhe rrotullimet e timonit. /tesheshi.com/
