Partia Demokratike e kryesuar nga Lulzim Basha ka një rënie 5 për qind në sondazhet e fundit të kryer nga IPR Marketing dhe Ora News. Të dhënat u publikuan gjatë kohës që Basha ishte në SHBA, nga ku postoi një foto me presidentin Donald Trump.
Megjithatë zbritja në Rinas e Bashës ka qenë një festë e vërtetë për demokratët, të cilët të organizuar me flamuj shqiptarë dhe amerikanë kanë pritur liderin e tyre.
Në fjalën e tij të shkurtër Basha e quajti takimin me presidentin e SHBA-se Donald Trump të jashtëzakonshëm.
“Takim i jashtëzakonshëm në një vizitë të shkurtër gjatë një jave domethënëse kushtuar një prioriteti madhor për SHBA dhe prioritetit nr një për ne, punësimit, ekonomisë. Ishte takim i jashtëzakonshëm. E jashtëzakonshme mbështetja e Trump për Shqipërinë e shqiptarët.
10 ditë për t’u ndarë një herë e mirë me republikën e mashtrimeve, korrupsionit e drogës e kriminelëve dhe për t’i hapur dyert republikës së re “- tha ai para simpatizantëve që kishin mbushur sheshin në hyrje të aeroportit./tesheshi.com/
