Pak ditë pas publikimit të formularëve të deklarimit të pasurisë, Agjencia Kundër Korrupsionit ka hedhur shortin për kontrollin e plotë të pasurisë së zyrtarëve publik.
Në mesin e tyre janë edhe kryekuvendari Kadri Veseli e drejtori i përgjithshëm i policisë Shpend Maxhuni, pasuritë e të cilëve do të hetohen dhe do t’i nënshtrohen një procesi të kontrollit dhe krahasimeve me deklarimet dhe posedimin e pasurisë.
Në mesin e zyrtarëve të tjerë të cilët do t’i nënshtrohen këtij procesi janë edhe kryetari i Prishtinës, Shpend Ahmeti, ai i Suharekës, Sali Asllanaj dhe i Obiliqit Xhafer Gashi.
Gjithashtu shorti ka përcaktuar që edhe pasuria e disa deputetëve të Kuvendit dhe ambasadorëve Alma Lama e Berndard Nikaj të kontrollohet në mënyrë të plotë.
Gjithsej janë 886 zyrtarë publik, pasuria e të cilëve do ti nënshtrohet kontrollit të plotë.
4980 zyrtarë të lartë publik kanë pasur detyrë të deklarojnë pasurinë ndërsa 72 nuk e kanë e deklaruar pasurinë.
Ndryshe si edhe çdo vit tjetër zyrtarët e lartë të shtetit kanë deklaruar pasuri të majme, si të hyra të mëdh vjetore, shtëpi e banesa, para të gatshme në banka, vetura të shtrenjta, aksione në kompani të ndryshme etj./tesheshi.com/
