Në Shqipëri sot është ditë pushimi me rastin e festës së Ditës së Verës, por kjo falë Fatos Nanos, i cili një vit para se të humbte pushtetin, në 2004-ën, e shpalli Ditën e Verës si festë zyrtare.
Madje nën qeverisjen e tij, festimet nga Elbasani u shtrinë dhe në Tiranë, aq sa opozita e asaj kohe e akuzoi kryeministrin socialist se po ia merrte qytetit simbol të festës në fjalë, Elbasanit, këtë atribut, duke e transferuar në Tiranë.
Dita e Verës është një festë pagane, ndër ato që kremtohej sa mundej dhe në komunizëm. Por ajo nuk ka qenë kurrë festë zyrtare, edhe pas ndryshimit të sistemit.
E tilla u shpall vetëm në vitin 2004, kur me afrimin e fushatës elektorale, Nano nisi të joshte elektoratin dhe me këto forma “bamirësie”, duke iu dhuruar dhe një ditë pushimi më tepër.
Pas ardhjes në pushtet të PD-së, shqiptarëve iu shtua dhe një ditë pushimi si festë zyrtare e shpallur me vendim qeverie, ajo e 8 dhjetorit, si Ditë e Rinisë.
E vetmja që po reziston është Shën Valentini, ku ende, asnjë qeveri në Shqipëri nuk ka rrëshqitur deri në atë pikë sa të shpallë festë zyrtare. /tesheshi.com/
